Google yangiliklar yozish uchun sun’iy intellekt vositalaridan foydalanish imkoniyatini o‘rganmoqda va jurnalistlarga yordam berish uchun ushbu vositalarni qo‘llash bo‘yicha axborot tashkilotlari bilan muzokaralar olib bormoqda.
SCMP ma’lumotlariga ko‘ra, Google The Washington Post nashri bilan, Wall Street Journal’ga egalik qiluvchi News Corp va hatto The New York Times nashrlari bilan muzokaralar olib borgan.
Ushbu sun’iy intellekt vositalari jurnalistlarga, masalan, sarlavha tanlash, o‘zgartirish yoki turli yozish uslublarini qo‘llashga yordam berishi mumkin, bu esa “ularning samaradorligi va mahsuldorligini oshiradi” dedi Google vakili. Uning qo‘shimcha qilishicha, kompaniya “bu g‘oyani o‘rganishning eng dastlabki bosqichida”.
“Bu vositalar shunchaki hali ishlab chiqilmagan va ular maqolalarini yozish, yaratish va faktlarni tekshirishda jurnalistlardek muhim rol o‘ynay olmaydi”.
Ba’zi nashrlar kontent yaratish uchun generativ sun’iy intellektdan allaqachon foydalanmoqda, biroq texnologiya noto‘g‘ri ma’lumotlar berishi mumkinligidan xavotirlar, qolaversa, inson tomonidan yaratilgan va kompyuter tomonidan yaratilgan kontentni farqlash muammolari tufayli axborot agentliklari bunday texnologiyalarga sekinlik bilan o‘tmoqda.
Izoh (0)