Американинг Google корпорацияси Исроил ҳукумати ва армияси билан ҳамкорликка қарши компания офисларида 10 соатлик иш ташлашда қатнашган 28 нафар ходимини ишдан бўшатди, дея New York Post хабар берди.
Google қидирув гигантининг Нью-Йорк ва Саннивейлдаги офисларида компаниянинг Исроил ҳукумати билан бизнес алоқаларига норозилик билдириш мақсадида 10 соатлик иш ташлашда иштирок этгани учун 28 нафар ходимини ишдан бўшатди, — дейилади нашрда.
Қайд этилганидек, намойишчилар Google компаниясидан Google Cloud ва Amazon Web Serviceс булутли ҳисоблаш ва сунъий интеллект хизматларини Исроил ҳукумати ва ҳарбийларига тақдим этувчи 1,2 миллиард долларлик Project Nimbus шартномасини бекор қилишни талаб қилишган. Норозилик билдирган ходимлар офисга кириб, бошқа ходимларнинг ишига аралашган.
Google вакили ишдан бўшатилганларни изоҳлар экан, намойишчиларнинг хатти-ҳаракати “бутунлай қабул қилиб бўлмайдиган” эканлигини ва бошқа ходимларнинг ишига аралашиш “компания сиёсатини бузиш” эканлигини айтган.
Аввалроқ New York Times нашри манбаларига таяниб, Исроил фаластинликларни оммавий кузатиш учун Ғазода юзни таниш тажриба тизимини жорий қилгани ҳақида хабар берган эди. Исроил разведкаси вакилининг нашрга айтишича, юзни таниш тизими Исроилнинг хусусий Cорсигҳт компанияси ва Google Photos технологияларидан фойдаланади.
Изоҳ (0)