Turkiya harbiylari Suriya shimolida 3 nafar terrorchini yo‘q qildi

Turkiya harbiylari Suriya shimolida maxsus amaliyot o‘tkazib, 3 nafar terrorchini yo‘q qildi. Bu haqda Anadolu nashri xabar berdi.

Xabarda aytilishicha, yo‘q qilingan terrorchilar Kurdiston ishchi partiyasiga aloqador bo‘lgan. Terrorchilar Suriya shimolida “Furot qalqoni” operatsiyasi doirasida nishonga olingan.

Milliy Mudofaa vazirligi turk qurolli kuchlarining Suriya shimolida Kurdiston ishchi partiyasi terrorchilariga qarshi amaliyotlari davom etayotganini maʼlum qilgan.

Kurdiston ishchi partiyasi Turkiyaga qarshi 40 yillik terror kampaniyasi davomida 40 ming nafardan ortiq kishi, jumladan ayollar, bolalar va go‘daklar o‘limiga sababchi bo‘lgan. Turkiya, AQSH va Yevropa Ittifoqi tomonidan ushbu partiya terrorchi tashkilotlar ro‘yxatiga kiritilgan.

Turkiya hukumati 2016-yildan beri Suriya shimolida terrorchilar koridorining shakllanishiga yo‘l qo‘ymaslik va aholining tinch yo‘l bilan hududlarga qayta joylashishini taʼminlash maqsadida o‘z chegarasi bo‘ylab aksilterror operatsiyalarini amalga oshirib keladi. Hozirga qadar “Furot qalqoni” (2016), “Zaytun novdasi” (2018) va “Tinchlik bahori” (2019) operatsiyalari muvaffaqiyatga erishgan.