Farmatsevtika korxonalari tomonidan 2024-yilning 1-choragida 1 trln 157 mlrd so‘mlik mahsulotlar ishlab chiqarildi. Bu haqda AOKAda o‘tkazilgan brifingda Farmatsevtika tarmog‘ini rivojlantirish agentligi axborot xizmati rahbari Sevara To‘laganova maʼlum qildi.
Maʼlum qilinishicha, hisobot davrida 37 mln dollarlik mahsulotlar eksport qilindi. Investitsiya dasturiga kiritilgan 17 ta loyiha doirasida 25 mln dollar investitsiya mablag‘lari o‘zlashtirilgan.
Umumiy qiymati 6,5 mln dollarlik 2 ta loyiha ishga tushirilishi natijasida 250 nafar yangi ish o‘rni yaratilgan.
O‘zbekistonda yangi investitsiya loyiha takliflarini ishlab chiqish maqsadida 1-chorak davomida Xitoy, Rossiya, Tojikiston, Eron va Turkiyaga xizmat safarlari tashkil etilib, jami 59 ta kompaniya bilan muzokaralar o‘tkazilgan.
Muzokaralar natijasida Xitoy bilan tibbiy buyum va jihozlar hamda tibbiy uskunalarini ishlab chiqaruvchi xorijiy kompaniyalar ishtirokida 41 mln dollarlik loyihalar O‘zbekistonda amalga oshirilishiga kelishilgan.
Izoh (0)