O‘zbekiston tashqi ishlar vaziri Baxtiyor Saidov Belarus tashqi ishlar vaziri Sergey Aleynik bilan uchrashuv o‘tkazdi. Bu haqda vazirning Telegram kanalida maʼlum qilindi.
Xabarga ko‘ra, Minskda bo‘lib o‘tgan muzokaralarda ikki mamlakat yetakchilari o‘rtasida erishilgan kelishuvlar ijrosi batafsil ko‘rib chiqilgan. Shuningdek, ikki davlat aloqalarining barcha yo‘nalishlari bo‘yicha fikr almashilgan.
Munosabatlar ko‘plab sohalarda ijobiy surʼat namoyon etayotgani taʼkidlangan. Ishbilarmon doiralar o‘rtasidagi muloqotni mustahkamlash, iqtisodiy aloqalarni sezilarli darajada kengaytirishga kelishib olingan.
“Vazirliklarimiz o‘rtasida 2024—2025-yillarga mo‘ljallangan Maslahatlashuvlar dasturini ham imzoladik. Belarus TIVdagi hamkasblarimizga samimiy mehmondo‘stlik uchun minnatdorlik bildiramiz”, — deyiladi xabarda.
Izoh (0)