Ўзбекистон ташқи ишлар вазири Бахтиёр Саидов Беларусь ташқи ишлар вазири Сергей Алейник билан учрашув ўтказди. Бу ҳақда вазирнинг Telegram каналида маълум қилинди.
Хабарга кўра, Минскда бўлиб ўтган музокараларда икки мамлакат етакчилари ўртасида эришилган келишувлар ижроси батафсил кўриб чиқилган. Шунингдек, икки давлат алоқаларининг барча йўналишлари бўйича фикр алмашилган.
Муносабатлар кўплаб соҳаларда ижобий суръат намоён этаётгани таъкидланган. Ишбилармон доиралар ўртасидаги мулоқотни мустаҳкамлаш, иқтисодий алоқаларни сезиларли даражада кенгайтиришга келишиб олинган.
“Вазирликларимиз ўртасида 2024—2025 йилларга мўлжалланган Маслаҳатлашувлар дастурини ҳам имзоладик. Беларусь ТИВдаги ҳамкасбларимизга самимий меҳмондўстлик учун миннатдорлик билдирамиз”, — дейилади хабарда.
Изоҳ (0)