Londonning “Arsenal” klubi tez orada jamoaning amaldagi bosh murabbiyi Mikel Arteta bilan shartnomani uzaytirishi mumkin. Bundan ikki tomon ham manfaatdor.
“Arsenal” Angliya Premyer Ligasi turnir jadvalida peshqadamlik qilmoqda va Chempionlar Ligasidagi yurishini davom ettirmoqda. Turnirning chorak finalida “Bavariya” bilan uchrashadi. “Kanonirlar” muvaffaqiyatining asosiy mualliflaridan biri — jamoa bosh murabbiyi Mikel Arteta.
Taniqli insayder Fabrisio Romano MenInBlazers podkastida “Arsenal” va 42 yoshli ispaniyalik mutaxassis tez orada yangi shartnoma imzolashi mumkinligi haqida xabar berdi.
“Arsenal” va Arteta tez orada yangi uzoq muddatli shartnomani muhokama qilishlari kutilmoqda, chunki ikki tomon uchun ham ustuvor vazifalarni bajarilishida birgalikda ishlash manfaatli, — dedi jurnalist.
Bugun, 9-aprel kuni Chempionlar Ligasi 1/4 finalining ilk o‘yinida “Arsenal” “Bavariya” bilan o‘ynaydi.
Izoh (0)