Лондоннинг “Арсенал” клуби тез орада жамоанинг амалдаги бош мураббийи Микель Артета билан шартномани узайтириши мумкин. Бундан икки томон ҳам манфаатдор.
“Арсенал” Англия Премьер Лигаси турнир жадвалида пешқадамлик қилмоқда ва Чемпионлар Лигасидаги юришини давом эттирмоқда. Турнирнинг чорак финалида “Бавария” билан учрашади. “Канонирлар” муваффақиятининг асосий муаллифларидан бири — жамоа бош мураббийи Микель Артета.
Таниқли инсайдер Фабрицио Романо MenInBlazers подкастида “Арсенал” ва 42 ёшли испаниялик мутахассис тез орада янги шартнома имзолаши мумкинлиги ҳақида хабар берди.
“Арсенал” ва Артета тез орада янги узоқ муддатли шартномани муҳокама қилишлари кутилмоқда, чунки икки томон учун ҳам устувор вазифаларни бажарилишида биргаликда ишлаш манфаатли, — деди журналист.
Бугун, 9 апрель куни Чемпионлар Лигаси 1/4 финалининг илк ўйинида “Арсенал” “Бавария” билан ўйнайди.
Изоҳ (0)