Futbol bo‘yicha 23 yoshgacha bo‘lgan o‘yinchilar o‘rtasidagi Osiyo Kubogi musobaqasi boshlanishiga ham roppa-rosa bir hafta vaqt qoldi.
15-aprel kuni start oladigan musobaqa 3-may kunigacha davom etadi. Qatar mezbonlik qilayotgan musobaqaning ahamiyatli tomonlaridan biri Parijda bo‘lib o‘tadigan Olimpiada o‘yinlari yo‘llanmalari o‘ynalishidir.
Timur Kapadze boshchiligidagi O‘zbekiston U-23 terma jamoasi ham musobaqada ishtirok etadi.
Kapadze hozircha yakuniy tarkibni e’lon qilgani yo‘q
Biroq, musobaqa oldidan BAAda o‘tadigan yig‘in uchun tarkibni ma’lum qilgan.
- Darvozabonlar: Vladimir Nazarov (“Paxtakor”), Hamidullo Abdunabiyev (“Olimpik”), Shukron Yo‘ldoshev (“Olimpik”). Abduvohid Ne’matov (“Nasaf”);
- Himoyachilar: Muhammadqodir Hamraliyev (“Paxtakor”), Odilbek Abdumajidov (“Dinamo”), Saidazamat Mirsaidov (“Olimpik”), Mahmud Mahamadjonov (“Bunyodkor”), Alibek Davronov (“Nasaf”), Zafarmurod Abdirahmatov (“Nasaf”), Murod Rahmatov (“Nasaf”), Asadbek Rahimjonov (“Olimpik”), Ahmadillo Muqumjonov (“Olimpik”);
- Yarim himoyachilar: Ibrohim Ibragimov (“Olimpik”), Jasurbek Jaloliddinov (“Neftchi”), Abdurauf Bo‘riyev (“Olimpik”), Umarali Rahmonaliyev (“Rubin”), Farrux Muxtorov (“Olimpik”), Behruz Asqarov (“Paxtakor”), Diyor Xolmatov (“Paxtakor”);
- Hujumchilar: Ulug‘bek Hoshimov (“Surxon”), Otabek Jo‘raqo‘ziyev (“Olimpik”), Husayn Norchayev (“Neftchi”), Ruslanbek Jiyanov (“Navbahor”), Alisher Odilov (“Olimpik”), Po‘latxo‘ja Xoldorxonov (“Paxtakor”).
Yig‘in doirasida Timur Kapadze shogirdlari 10-aprel kuni Xitoyga qarshi bahs olib boradi.
O‘zbekiston U-23 terma jamoasi guruhida kimlar bor?
D guruhidan o‘rin olgan Olimpiya terma jamoasiga Vyetnam, Kuvayt va Malayziya terma jamoalari raqiblik qiladi.
Timur Kapadze shogirdlari musobaqadagi ishtirokini 17-aprel kuni Malayziyaga qarshi o‘yin bilan boshlaydi. Uchrashuv Ar-Rayyandagi Khalifa International stadionida bo‘lib o‘tadi. O‘yinning boshlanish vaqti: 18:00.
Ikkinchi turdagi o‘yin esa 20-aprel kuni Kuvaytga qarshi bo‘lib o‘tadi. Ushbu o‘yin mezboni Al-Vakradagi Al-Janoub stadioni bo‘lishi ko‘zda tutilgan. O‘yinning boshlanish vaqti: 20:30.
Guruh bosqichidagi so‘nggi o‘yin Vyetnamga qarshi bo‘lib o‘tadi. Bahs 23-aprel sanasida yana Ar-Rayyandagi Khalifa International stadionida o‘tkaziladi. O‘yinning boshlanish vaqti: 20:30.
Timur Kapadze shogirdlari pley-offga chiqqan taqdirda, qaysi jamoaga qarshi o‘ynashi mumkin?
Pley-off bosqichida D guruhida birinchi o‘rinni egallagan jamoa C guruhi ikkinchi bo‘lgan jamoaga qarshi bahs olib boradi. D guruhida ikkinchi o‘rinni olgan terma jamoa esa C guruhi yetakchisiga qarshi maydonga tushadi.
C guruhi quyidagicha ko‘rinish olgan: Saudiya Arabistoni, Iroq, Tailand va Tojikiston.
Turnir setkasi:
Eslatib o‘tamiz, ushbu turnirning ikki finalchisi hamda 3-o‘rin sohibi Parijda bo‘lib o‘tadigan Olimpiada yo‘llanmasini qo‘lga kiritadi.
Izoh (0)