Nampula provinsiyasi yaqinidagi orolga yetib bormoqchi bo‘lgan baliqchi kema cho‘kib ketishi oqibatida 90 dan ortiq odam halok bo‘ldi. Bu haqda tegishli manbalarga tayanib, NDTV xabar berdi.
Nampula provinsiyasi davlat kotibi Jeymi Neto qo‘lda yasalgan kema odamlarni tashish uchun mo‘ljallanmaganini ta’kidlagan. U kemada 130 nafarga yaqin odam bo‘lgani va u Mozambik qirg‘oqlari yaqinidagi kichik orolga yo‘l olganini aytgan.
Qutqaruvchilar besh nafar tirik qolganlarni topgan. Qidiruv-qutqaruv operatsiyasi davom etmoqda, biroq ob-havo sharoiti tufayli u murakkablashmoqda. Nampula provinsiyasi davlat kotibi halok bo‘lganlar orasida ko‘plab bolalar borligini aytgan. Qurbonlar soni hozircha aniq emas, voqea joyida tergov guruhi ishlamoqda. Kema halokati sabablari aniqlanmoqda.
Netoning so‘zlariga ko‘ra, odamlar vabo epidemiyasi haqidagi noto‘g‘ri maʼlumotlardan vahimaga tushib, mamlakatni tark etishga uringan. Mozambikda 2023-yil oktyabr oyidan beri deyarli 15,000 kasallik va 32 vabodan o‘lish holati qayd etilgan.
Nampula eng ko‘p zarar ko‘rgan mintaqa bo‘lib, barcha halokatli holatlarning uchdan bir qismi mazkur hududga to‘g‘ri keladi.
Izoh (0)