Bo‘ronli ob-havo va kuchli yog‘ingarchilik Avstraliyaning qirg‘oq bo‘yidagi Sidney shahri ko‘chalarini suv ostida qoldirib, atrofdagi hududlarga katta zarar yetkazdi. Bu haqda tegishli manbalarga tayanib, Deutsche Welle xabar berdi.
Qayd etilishicha, rasmiylar Uorragamba to‘g‘onidagi va boshqa to‘g‘onlardagi kabi, odatda butun aprel oyiga to‘g‘ri keladigan yog‘ingarchilik miqdori bir kunda yog‘ganidan so‘ng shlyuzlarni ochishga majbur bo‘lgan.
Bir nechta ko‘priklarda transport harakati to‘sib qo‘yilgan, pasttekisliklarda joylashgan aholi punktlari aholisini evakuatsiya qilish tavsiya etilgan. Suv toshqini ostida qolgan Yangi Janubiy Uels shtatining 300 dan ortiq aholisi xavfsiz joyga ko‘chiriligan.
Rasmiylarga ko‘ra, aholidan yordam so‘rab minglab qo‘ng‘iroqlar kelib tushgan, qutqaruv va tozalash ishlarida 4000 dan ortiq ko‘ngilli ishtirok etgan.
Avstraliyada 4-aprel kuni tinimsiz yog‘ingarchilik boshlangan edi. Sidney yaqinidagi mazkur yog‘ingarchilik yomon ob-havoning dastlabki 24 soatiga to‘g‘ri kelgan.
6-aprel kuni ertalab yog‘ingarchilik hajmi ayrim joylarda kvadrat metrga 250 litrdan oshgani aytilmoqda. Taqqoslash uchun, Germaniyaning poytaxti Berlinda butun yil davomida har kvadrat metrga taxminan 575 litr yog‘ingarchilik to‘g‘ri keladi.
Suv ombori to‘lib ketganda, shlyuzlar avtomatik ravishda ochildi va katta hajmdagi suv toshqini boshlandi, — dedi guvohlar.
Jamoat transporti, jumladan poyezdlar, avtobuslar va paromlar harakatida jiddiy uzilishlar kuzatilgan.
Sidney qirg‘oqlarida kuchli shamol tufayli yuzaga kelgan to‘lqinlarning balandligi to‘qqiz metrga yetdi, — deb xabar bermoqda ABC telekanali.
Rasmiylar mintaqani baland yerlardan va to‘g‘onlardan oqib kelayotgan suv tufayli yana bir necha kun suv toshqini xavfi ostida qolishini taxmin qilmoqda.
Izoh (0)