Бўронли об-ҳаво ва кучли ёғингарчилик Австралиянинг қирғоқ бўйидаги Сидней шаҳри кўчаларини сув остида қолдириб, атрофдаги ҳудудларга катта зарар етказди. Бу ҳақда тегишли манбаларга таяниб, Deutsche Welle хабар берди.
Қайд этилишича, расмийлар Уоррагамба тўғонидаги ва бошқа тўғонлардаги каби, одатда бутун апрель ойига тўғри келадиган ёғингарчилик миқдори бир кунда ёғганидан сўнг шлюзларни очишга мажбур бўлган.
Бир нечта кўприкларда транспорт ҳаракати тўсиб қўйилган, пасттекисликларда жойлашган аҳоли пунктлари аҳолисини эвакуация қилиш тавсия этилган. Сув тошқини остида қолган Янги Жанубий Уэлс штатининг 300 дан ортиқ аҳолиси хавфсиз жойга кўчирилиган.
Расмийларга кўра, аҳолидан ёрдам сўраб минглаб қўнғироқлар келиб тушган, қутқарув ва тозалаш ишларида 4000 дан ортиқ кўнгилли иштирок этган.
Австралияда 4 апрель куни тинимсиз ёғингарчилик бошланган эди. Сидней яқинидаги мазкур ёғингарчилик ёмон об-ҳавонинг дастлабки 24 соатига тўғри келган.
6 апрель куни эрталаб ёғингарчилик ҳажми айрим жойларда квадрат метрга 250 литрдан ошгани айтилмоқда. Таққослаш учун, Германиянинг пойтахти Берлинда бутун йил давомида ҳар квадрат метрга тахминан 575 литр ёғингарчилик тўғри келади.
Сув омбори тўлиб кетганда, шлюзлар автоматик равишда очилди ва катта ҳажмдаги сув тошқини бошланди, — деди гувоҳлар.
Жамоат транспорти, жумладан поездлар, автобуслар ва паромлар ҳаракатида жиддий узилишлар кузатилган.
Сидней қирғоқларида кучли шамол туфайли юзага келган тўлқинларнинг баландлиги тўққиз метрга етди, — деб хабар бермоқда АBC телеканали.
Расмийлар минтақани баланд ерлардан ва тўғонлардан оқиб келаётган сув туфайли яна бир неча кун сув тошқини хавфи остида қолишини тахмин қилмоқда.
Изоҳ (0)