Hindiston shimoli-sharqida sodir bo‘lgan suv toshqinlari qurbonlari soni 77 kishiga yetdi, 100 kishi bedarak yo‘qolgan, deb xabar bermoqda Al-Jazeera.
G‘arbiy Bengal shtatining Jalpayguri tumani politsiyasi yakshanba kuni 48 ta jasad, jumladan sakkiz nafar armiya xizmatchilarning jasadi topilganini aytdi.
Minglab odamlar yordam lagerlarida qolmoqda, yomon ob-havo qutqaruv ishlarini kechiktirmoqda. Rasmiylarning aytishicha, toshqinlar asosiy infratuzilmani vayron qilishdan tashqari, 1200 dan ortiq uyga ham zarar yetkazgan.
5-oktyabr kuni Lxonak ko‘li va Tisto daryosi suvi to‘satdan o‘zanidan toshib ketdi va suv me’yoridan olti metrga ko‘tarildi. Tabiiy ofat kutilmaganda yuz bergani sabab favqulodda xizmatlar unga tayyorgarlik ko‘rishga ulgurmagan.
Sinoptiklarning ma’lum qilishicha, toshqinga tropik bo‘ron sabab bo‘lgan, uning oqibatida Lxonak tog‘idagi muzlar qulab, hududdagi ko‘lni to‘ldirib yuborgan.
Izoh (0)