Yevropaning eng yirik loukosteri Yevropa poytaxtlari va O‘zbekiston shaharlari o‘rtasida to‘g‘ridan to‘g‘ri reyslarni yo‘lga qo‘yishdan manfaatdor, deb xabar bermoqda “Dunyo” AA.
Ma’lum qilinishicha, O‘zbekistonning Vengriyadagi elchisi Oybek Shaxavdinov Budapeshtda Wizz Air kompaniyasi prezidenti Robert Keri bilan uchrashdi va aviakompaniyaning O‘zbekiston aviatsiya bozoridagi ishtirokini kengaytirish yuzasidan atroflicha fikr almashdi.
Aviakompaniya Yevropa poytaxtlari va O‘zbekiston shaharlari o‘rtasida to‘g‘ridan to‘g‘ri reyslarni yo‘lga qo‘yishdan manfaatdor ekani taʼkidlandi.
Muzokaralar davomida, shuningdek, Wizz Air bosh direktori Yozef Varadi boshchiligidagi delegatsiyaning Toshkent shahriga rejalashtirilgan safari muhokama qilindi.
Eslatib o‘tamiz, Wizz Air loukoster aviakompaniyasi 2022-yil dekabr oyidan Abu-Dabidan Samarqandga, o‘tgan yilning yanvar oyidan esa Abu-Dabi—Toshkent —Abu-Dabi yo‘nalishi bo‘yicha muntazam reyslarni amalga oshirmoqda. Chiptalar bir tomonga 45 dollardan boshlanadi.
Aviakompaniya 2003-yilda tashkil etilgan. Wizz Air kompaniyasi aviaparkida 206 ta Airbus samolyoti bor.
Izoh (0)