Italiya moliya politsiyasi Yevropa Ittifoqining pandemiyadan keyingi tiklanish jamg‘armasidan noto‘g‘ri foydalanish bo‘yicha firibgarlikda gumonlanayotgan 22 kishini hibsga oldi, deya xabar berdi Politico.
Yevropa Ittifoqi prokurorlarining so‘roviga binoan, politsiya 8 nafar shaxsni hibsga olgan va yana 14 nafari uy qamog‘iga mahkum qilingan.
Politsiya shuningdek, uy va korxonalarda reyd o‘tkazib, aktivlarni, jumladan, kvartiralar va villalar, kriptovalyuta, Rolex soatlari, oltin va zargarlik buyumlari, shuningdek, Lamborgini, Porsche va Audi Q8 avtomobillarini musodara qilgan va muzlatib qo‘ygan.
Italiya Yevropa Ittifoqining COVID’dan keyingi iqtisodiy tiklanish fondining 191,5 milliard yevro miqdoridagi grantlar va kreditlarni boshqaruvchi eng katta benefitsiari hisoblanadi.
Politsiyaning ta’kidlashicha, da’vo qilingan firibgarlik o‘n millionlab yevrolik loyihalar uchun mablag‘larni ta’minlash tajribasiga ega mutaxassislar tomonidan amalga oshirilgan.
Guruh soxta hujjatlarni ishlab chiqarish uchun hamkorlik qilmaydigan mamlakatlarda joylashgan bulutli serverlar, kriptoaktivlar va sun’iy intellekt kabi ilg‘or texnologiyalardan foydalangan holda jinoyatni amalga oshirgan.
Italiya tiklanish fondini boshqarish bo‘yicha maxsus prokuror nazorati ostida bo‘lib, mablag‘lardan foydalanish bo‘yicha 179 ta tergov ishi ochilgan.
Izoh (0)