Germaniya mudofaa vaziri Boris Pistorius nemis armiyasini urushga yaroqli holga keltiradigan qurolli kuchlarni tuzilmaviy isloh qilish rejalarini ma’lum qildi. Bu haqda Deutsche Welle xabar berdi.
Bundesverning yagona tezkor qo‘mondonligini yaratish rejalashtirilmoqda, unga to‘rt turdagi qo‘shinlar — quruqlikdagi armiya, havo kuchlari, dengiz floti va kiber hamda axborot mudofaa kuchlari bo‘ysunadi. Yangi, to‘rtinchi turdagi qo‘shinlar dezinformatsion kampaniyalarga qarshi kurashadi va Bundesver tarmoqlarini xakerlik hujumlaridan himoya qiladi. Bundan tashqari, yordamchi qo‘mondonlik tuziladi, ular sanitariya va logistika bo‘linmalariga rahbarlik qiladi.
Islohotning maqsadi — Bundesverni favqulodda, mudofaa va urush holatlarida ham optimal tarzda tayyorlaydigan tarzda qayta qurish, — dedi Pistorius.
Shu bilan birga, u Yevropadagi tahdid kuchaygan vaziyatga ishora qilib, armiyani urushga tayyorlash maqsadini ta’kidladi.
Germaniya va uning ittifoqchilari hech kim NATO hududiga hujum qilish haqida o‘ylamasligi uchun to‘xtatib turishni ta’minlashi lozim, — deya qo‘shimcha qildi Pistorius.
Mudofaa vazirining so‘zlariga ko‘ra, eng muhim qarorlar “yaqin oylarda” amalga oshirilishi kerak.
Izoh (0)