Bugun, 1-aprel sanasida qilichbozlik sportida Parij—2024 yozgi Olimpiya o‘yinlari uchun reyting ochkolarini jamg‘arish davri rasman yakunlandi.
Quvonarlisi, sablya bo‘yicha O‘zbekiston terma jamoasi aʼzosi Zaynab Dayibekova ushbu reyting orqali to‘g‘ridan to‘g‘ri 4 yillikning eng nufuzli musobaqasiga yo‘llanma oldi.
Shu tariqa, Dayibekova faoliyatida ikkinchi bor Olimpiya o‘yinlarining ishtirokchisiga aylanmoqda. Qolgan yo‘nalishlardagi o‘zbekistonlik qilichbozlar 27—28-aprel kunlari BAAning Fujayra shahrida o‘tadigan qitʼaviy litsenzion turnir orqali yo‘llanma olishga harakat qiladi.
Ushbu yo‘llanmani qo‘shib hisoblaganda, O‘zbekiston delegatsiyasining Parij—2024 yozgi Olimpiya o‘yinlariga qo‘lga kiritgan litsenziyalari 26 taga yetdi.
Izoh (0)