16-mart kuni Rossiya kuchlari Zaporojye viloyatidagi Rabotino hududini o‘z nazoratiga olgan. Hozirda rus bo‘linmalari egallangan hududlarda Ukraina hujumlarini qaytarmoqda. Bu haqda “TASS” nashri xabar berdi.
Xabarda aytilishicha, Rossiya intensiv hujumlar uyushtirib, Rabotino hududining markazini nazorat ostiga olgan. Harbiy texnikalar joylashtirilib, Ukraina qarshi hujumiga tayyorgarlik darajasi oshirilgan.
“Rabotinoda Ukraina qo‘shinlari askarlarimizni o‘z pozitsiyalaridan majburan chiqarishga harakat qilmoqda. Bugun aytishimiz mumkinki, janubiy va markaziy hududlardagi aholi punktlari bizning nazoratimiz ostida, shimoliy qismi esa Ukraina qo‘shinlari nazoratida qolmoqda”, — degan “Biz Rossiya bilan birgamiz” harakati rahbari Vladimir Rogov.
Rogovning so‘zlariga ko‘ra, Ukraina qo‘shinlari Rossiya pozitsiyalariga hujum qilishda davom etmoqda. Ikki tomonning nazorat qilayotgan hududlari tez-tez o‘zgarib turibdi. Frontda mutlaq ustun tomon yo‘q.
Izoh (0)