Россия қўшинлари Донецк вилоятининг Часов Яр ҳудудидаги бир қанча Украина стратегик истеҳкомларини назорат остига олди. Бу ҳақда “ТАСС” нашри хабар берди.
“Артиллерия, аэрокосмик кучлар ва ҳарбий дронлар билан мустаҳкамланган ҳужум гуруҳларимиз Часов Яр яқинидаги Украина қуролли тузилмаларининг бир нечта таянч нуқталарини назоратга олди. Қўшинларимиз томонидан эгаллаб олинган истеҳкомлар стратегик аҳамиятга эга ва шунга мос равишда фойдаланилади”, — дейилади Россия томони берган баёнотда.
Россия ҳужум гуруҳлари Часов Яр томон анча олдинга силжиб, Украина жанговар гуруҳининг таъминот йўлларини тўсиб қўйгани хабар қилинган. Ҳудуд ҳарбий назорати ҳозирда тўлиқ русларда.
Аввалроқ тан олинмаган Донецк Халқ республикаси раҳбари маслаҳатчиси Игор Кимаковский “ТАСС” агентлигига берган хабарида Часов Яр Украина армияси учун Донецк ҳудудидаги асосий марказ эканлигини маълум қилган.
Изоҳ (0)