Dog‘iston politsiyasi bir necha kishiga o‘lim bilan tahdid qilingan videoni ijtimoiy tarmoqqa joylagan shaxsni qo‘lga olgani aytilmoqda.
“Dog‘iston respublikasi IIB Jinoyat qidiruv departamenti xodimlari 27 yoshli maxachqal’alik gumonlanuvchi fuqaroni qo‘lga oldi. Xodimlar tomonidan to‘plangan materiallar protsessual qaror qabul qilish uchun yurisdiksiyaga o‘tkazildi”, — deyiladi xabarda.
Gumonlanuvchi videoda o‘lim bilan tahdid qilgan insonlar ro‘yxatida sobiq UFC chempioni Habib Nurmagomedov ham bo‘lgan. Lekin u sportchiga nega suiqasd qilmoqchi bo‘lgani noma’lum.
Eslatib o‘tamiz, Habib Nurmagomedov 2020-yilning 24-oktabrida UFC 254 musobaqasida oktagondagi oxirgi jangini o‘tkazgan. Ushbu musobaqadagi jang orqali Habib ketma-ket uchinchi bor chempionlik kamarini himoya qilgan. Unga Jastin Getji raqiblik qilgandi. Nurmagomedov Getjini bug‘ish usuli bilan muddatidan oldin mag‘lub etgan. Bu dog‘istonlik jangchining 29-g‘alabasi edi.
Izoh (0)