Isroil armiyasi G‘azo shahridagi eng yirik tibbiyot muassasasi Al-Shifo kasalxonasiga reyd uyushtirib, 200 kishining o‘limiga sabab bo‘lgan. Bu haqda Anadolu nashri xabar berdi.
Xabarda aytilishicha, Isroil kuchlari favqulodda buyruq berib, kasalxonada to‘planganlarni binoning boshqa qismida yig‘moqchi bo‘lgan. Bunga qarshilik qilganlar yoki buyruqqa o‘z vaqtida itoat qilmaganlar otib tashlangan.
Bir qancha arab nashrlari qurbonlar soni amalda bundan ancha ko‘p ekanligini xabar qilgan. Isroil armiyasi hududga jurnalistlar kirishini cheklab qo‘ygani bois, u yerdan maʼlumot olish imkonsiz.
Manbada aytilishicha, ommaviy vayronagarchilik va zaruriy mahsulotlar tanqisligi oqibatida G‘azoda 32 500 ga yaqin falastinlik halok bo‘lgan. 74 900 dan ortiq kishi jarohat olgan.
Birlashgan Millatlar Tashkiloti maʼlumotlariga ko‘ra, Isroil urushi sharoitida G‘azo aholisining 85 foizini ichki ko‘chishga majbur qilingan. Anklav infratuzilmasining 60 foizi shikastlangan yoki vayron bo‘lgan.
Izoh (0)