Исроил армияси Ғазо шаҳридаги энг йирик тиббиёт муассасаси Ал-Шифо касалхонасига рейд уюштириб, 200 кишининг ўлимига сабаб бўлган. Бу ҳақда Anadolu нашри хабар берди.
Хабарда айтилишича, Исроил кучлари фавқулодда буйруқ бериб, касалхонада тўпланганларни бинонинг бошқа қисмида йиғмоқчи бўлган. Бунга қаршилик қилганлар ёки буйруққа ўз вақтида итоат қилмаганлар отиб ташланган.
Бир қанча араб нашрлари қурбонлар сони амалда бундан анча кўп эканлигини хабар қилган. Исроил армияси ҳудудга журналистлар киришини чеклаб қўйгани боис, у ердан маълумот олиш имконсиз.
Манбада айтилишича, оммавий вайронагарчилик ва зарурий маҳсулотлар танқислиги оқибатида Ғазода 32 500 га яқин фаластинлик ҳалок бўлган. 74 900 дан ортиқ киши жароҳат олган.
Бирлашган Миллатлар Ташкилоти маълумотларига кўра, Исроил уруши шароитида Ғазо аҳолисининг 85 фоизини ички кўчишга мажбур қилинган. Анклав инфратузилмасининг 60 фоизи шикастланган ёки вайрон бўлган.
Изоҳ (0)