Ijtimoiy tarmoqlarda Damas avtomashinasi piyodalar yo‘lakchasida harakatlanayotgani aks etgan videolar tarqaldi. Holat yuzasidan ichki ishlar bosh boshqarmasi YHXB axborot xizmati munosabat bildirdi.
Maʼlum qilinishicha, Toshkent shahrining Izzat ko‘chasi bo‘ylab harakatlangan Damas avtomashinasiga antenna, “migalka”, “sirena” vositalari o‘z boshimchalik bilan qo‘yilgan. Shuningdek, avtomashinaning davlat raqamidagi harflar ham yaxshi ko‘rinmaydigan holatga kelib qolgan.
Haydovchining aytishicha, u dastlab piyodalar yo‘lakchasiga qaragan va hech kim yo‘qligiga ishonch hosil qilgach harakatlangan. U bu ishni yo‘l tirband bo‘lgani uchun qilganini aytdi.
Xabarga ko‘ra, Damas avtomashinasi haydovchisiga nisbatan tegishli tartibda maʼmuriy bayonnoma tuzilib, avtomashina vaqtinchalik jarima maydonchasiga qo‘yildi.
Izoh (0)