Farg‘ona viloyati Oltiariq tumanida joylashgan issiqxonada ko‘knori yetishtirib kelgan shaxs qo‘lga olindi. Bu haqda viloyat IIB axborot xizmati xabar berdi.
Qayd etilishicha, 18-mart kuni Farg‘ona viloyati IIB, DXX hamda Oltiariq tumani IIB xodimlari tomonidan hamkorlikda tezkor tadbir o‘tkazilgan. Tadbirda tumanning “Chinortagi” MFYda yashovchi 63 yoshli erkak yashash uyi tomorqasida joylashgan 2 sotixli issiqxonada jami 1805 tup ko‘knori yetishtirib kelgani aniqlangan.
Bundan tashqari, mazkur uyning og‘ilxonasida quritilgan holdagi 6 kilogramm ko‘knori o‘simligi poyalari saqlanib kelinayotgani ham ma’lum bo‘lgan.
Hozirda holat yuzasidan tergovga qadar tekshiruv harakatlari olib borilmoqda.
Avvalroq Buxoroda ikki nafar IIB xodimi giyohvand moddalar savdosiga aralashgani aniqlanib, jinoyat ishi qo‘zg‘atilgani to‘g‘risida xabar berilgandi.
Izoh (0)