Namangan viloyatida davlat raqami yechib olingan Lacetti’ni xavfli manyovrlar bilan boshqargan yigitga chora ko‘rildi. Bu haqda viloyat IIB Yo‘l harakati xavfsizligi boshqarmasi xabar berdi.
Ijtimoiy tarmoqlarda avtomobil davlat raqami belgisini yechib olib, avariya holatini keltirib chiqaruvchi harakatlar bilan boshqarilgan transport vositasining videosi tarqaldi. Namangan viloyati IIB JXX Yo‘l harakati xavfsizligi boshqarmasi xodimlari tomonidan olib borilgan surishtiruv ishlari natijasida ushbu avtomobil topilgan.
Inspektorlar tomonidan 19 yoshli haydovchining qoidabuzarligiga nisbatan ma’muriy bayonnoma rasmiylashtirilib, transport vositasi jarima maydoniga joylashtirilgan.
Yangiqo‘rg‘on yo‘nalishida davlat raqami yechilgan holatda yurib ketayotganimda yonimda sherigim videoga oldi. Video ijtimoiy tarmoqlarda tarqalib ketib qoldi, — deydi qoidabuzar haydovchi.
Avvalroq Toshkentda soatiga 180 km tezlikda harakatlangan BYD va Tahoe haydovchilariga chora ko‘rilgani to‘g‘risida xabar berilgandi.
Izoh (0)