Toshkent viloyati Bo‘stonliq tumani Amirsoy chorrahasida Yo‘l harakati xizmati xodimlari tomonidan qoidabuzar haydovchi to‘xtatilib, unga chora ko‘rildi. Bu haqda viloyat IIBB Yo‘l harakati xavfsizligi boshqarmasi xabar berdi.
Qayd etilishicha, inspektorlar tomonidan Gentra avtomobilini to‘xtatib, uning yukxonasi tekshirilgan. Natijada yukxonadan qalbaki raqam topilgan. U radarlardan qochish uchun vodiydan Amirsoyga borishda qalbaki raqamdan foydalangan.
Haydovchiga nisbatan ma’muriy bayonnoma rasmiylashtirilib, transport vositasi vaqtincha saqlash uchun jarima maydoniga qo‘yilgan, haydovchi Bo‘stonliq tumani IIBga tergovga qadar tekshiruv uchun topshirilgan.
Qayd etilishicha, Gentra haydovchisi ushbu qalbaki davlat raqami belgisi orqali 64 marta qoidabuzarlik sodir etgan.
Avvalroq Xorazmda 12,5 ming nafar qoidabuzar haydovchidan 3,8 mlrd so‘mdan ortiq qarzdorlik undirilgani to‘g‘risida xabar berilgandi. Jarimani to‘lashdan bosh tortgan qarzdorlarga tegishli bo‘lgan 137 ta avtotransport vositalari jarima maydonchasiga joylashtirilgan.
Izoh (0)