Ispaniya prokuraturasi “Real” bosh murabbiyi Karlo Anchelottiga qamoq jazosini talab qilmoqda.
Bu haqida Relevo nashri xabar bermoqda. Prokuratura italiyalik mutaxassisni 2014-yildan 2015-yilgacha soliq idoralaridan 1 million yevroni yashirgani uchun 4 yil-u 9 oyga qamalishini talab qilyapti.
Avvalroq, ispaniyalik sudya Mariya Inmakulada Lova italiyalik murabbiy 2014-yilda imij huquqlaridan foydalanilishi oqibatida daromad sifatida olgan 386 361 yevroni deklaratsiya qilmagan degan xulosaga kelgandi.
Murabbiy Ispaniya soliq idorasi tomonidan tuzilgan yirik qarzdorlar ro‘yxatida ekanligi aniqlangan.
Eslatib o‘tamiz, Anchelotti 2013-yilda “Real”ni qabul qilib olgan va 2015-yilning may oyida klubni tark etgandi.
Bu vaqt davomida Karlo “qaymoqranglilar” bilan Ispaniya Kubogi, Chempionlar Ligasi, UEFA Superkubogi va klublar o‘rtasidagi jahon chempionligi kuboklarini qo‘lga kiritgan.
2021-yilning iyun oyida Anchelotti Madrid klubiga qaytgan. Joriy mavsum “Real” chempionatda 66 ochko bilan yetakchilik qilmoqda.
Izoh (0)