Молдова мудофаа вазири Анатоли Носати 22 март куни мамлакат фуқаролари Украина армияси сафида Россияга қарши жанг қилаётганини тасдиқлади. Бу ҳақда Anadolu нашри хабар берди.
Молдова вазирига кўра, Молдова фуқароларининг Украина армияси сафига бориб қўшилиши ихтиёрийлик асосида кечган. Ҳукумат томонидан фуқароларни хорижий ҳарбий ҳаракатларга жалб этиш ҳолати юз бермаган.
Молдова президенти Майя Санду мамлакат фуқаролари Россия армиясига қўшиладиган бўлса, Молдова фуқаролигидан маҳрум этилиши ҳақида огоҳлантирган. Украина борасида эса бундай ҳаракат сценарийси мавжуд эмас.
Амалдаги Молдова қонунчилигига кўра, ёлланма ҳарбий фаолият ноқонунийдир ва у мамлакат қонунчилигига кўра жиноий жавобгарлик учун асос бўлади.
Изоҳ (0)