O‘zbekistonda Afg‘oniston tovarlariga imtiyozli tariflar joriy qilish masalasi muhokama qilindi

Hayraton chegara punktida Afg‘oniston—O‘zbekiston iqtisodiy munosabatlarini mustahkamlashga bag‘ishlangan ikki tomonlama uchrashuv bo‘lib o‘tdi.

“Tolibon” harakati savdo va sanoat vaziri Nuruddin Aziziy “Tolibon” bosh vazirining iqtisodiy o‘rinbosarining maslahatchisi, Tashqi ishlar, moliya, kon va neft, transport vazirliklari, Afg‘onistonning Breshna Elektr kompaniyasi, temir yo‘l boshqarmasi yuqori martabali vakillaridan iborat rasmiy delegatsiya boshchiligida O‘zbekiston delegatsiyasi bilan uchrashdi.

“Tolibon” Sanoat va savdo vazirligi xabariga ko'ra, bu uchrashuv Hayraton chegara punktida bo'lib o'tgan.

Tomonlar o‘zaro savdo bitimlari, va ko‘p tomonlama tranzit shartnomalarini imzolash, O‘zbekistonga bir million tonna ko‘mir eksport qilish masalalarini muhokama qildi.

Xabarda qo'shimcha qilinishicha, “Tolibon” delegatsiyasi va O'zbekiston rasmiylari, shuningdek, O'zbekistonning Afg'onistonda qishloq xo'jaligi sohasiga sarmoya kiritishi va ko'mirdan issiqlik elektr energiyasi ishlab chiqarish, Afg'oniston eksport tovarlariga imtiyozli tarif joriy etish, xususiy sektor muammolari va Afg‘oniston neftini O‘zbekistonda qayta ishlashning maxsus mexanizmini yaratish masalalarini muhokama qilishgan.

“Tolibon” hukumati Sanoat va savdo vazirligiga ko’ra, O‘zbekistonda ishbilarmonlik aloqalari konferensiyasi va afg‘on mahsulotlari ko‘rgazmasi o‘tkazilishi, O‘zbekiston tuprog‘ida tez buziladigan mahsulotlarni tekshirish uchun skaner o‘rnatilishi, Afg'onistonning xususiy sektori uchun viza berishni osonlashtirish, ikki davlat bojxona idoralarida ish vaqtini oshirish, xalqaro yuk tashish sohasida ikki tomonlama va ko‘p tomonlama hamkorlikni rivojlantirish va kengaytirish tomonlar o‘rtasida muhokama qilingan.