Rossiyaning Amur viloyatidagi oltin konida 19-mart kuni tog‘ jinslari ko‘chishi oqibatida 13 nafar konchi shaxtada qamalib qoldi. Bu haqda Anadolu nashri xabar berdi.
Xabarda aytilishicha, Amur viloyati hukumati Zeya tumanidagi Pioner konidan konchilarni qutqarish uchun barcha mavjud resurslarni safarbar qilgan. Kon atrofida favqulodda holat eʼlon qilingan.
Konchilar 125 metr chuqurlikdagi bo‘shliqda qolib ketgani xabar qilingan. Hozirda ular bilan hech qanaqasiga bog‘lanish iloji yo‘q.
Voqea joyida qidiruv-qutqaruv ishlarini olib borish uchun 25 nafar qutqaruvchidan iborat guruh tayinlangan. Favqulodda vaziyat yuzaga kelishi ehtimoli inobatga olinib, shaxta atrofida Mi-8 vertolyoti joylashtirilgan.
Kon ichida qolib ketganlarning ko‘pchiligi mamlakatning turli qismlaridan va xorijdan kelib ishlayotgani xabar qilingan.
Izoh (0)