Ҳайратон чегара пунктида Афғонистон—Ўзбекистон иқтисодий муносабатларини мустаҳкамлашга бағишланган икки томонлама учрашув бўлиб ўтди.
“Толибон” ҳаракати савдо ва саноат вазири Нуруддин Азизий “Толибон” бош вазирининг иқтисодий ўринбосарининг маслаҳатчиси, Ташқи ишлар, молия, кон ва нефть, транспорт вазирликлари, Афғонистоннинг Breshna Elektr компанияси, темир йўл бошқармаси юқори мартабали вакилларидан иборат расмий делегация бошчилигида Ўзбекистон делегацияси билан учрашди.
“Толибон” Саноат ва савдо вазирлиги хабарига кўра, бу учрашув Ҳайратон чегара пунктида бўлиб ўтган.
Томонлар ўзаро савдо битимлари, ва кўп томонлама транзит шартномаларини имзолаш, Ўзбекистонга бир миллион тонна кўмир экспорт қилиш масалаларини муҳокама қилди.
Хабарда қўшимча қилинишича, “Толибон” делегацияси ва Ўзбекистон расмийлари, шунингдек, Ўзбекистоннинг Афғонистонда қишлоқ хўжалиги соҳасига сармоя киритиши ва кўмирдан иссиқлик электр энергияси ишлаб чиқариш, Афғонистон экспорт товарларига имтиёзли тариф жорий этиш, хусусий сектор муаммолари ва Афғонистон нефтини Ўзбекистонда қайта ишлашнинг махсус механизмини яратиш масалаларини муҳокама қилишган.
“Толибон” ҳукумати Саноат ва савдо вазирлигига кўра, Ўзбекистонда ишбилармонлик алоқалари конференцияси ва афғон маҳсулотлари кўргазмаси ўтказилиши, Ўзбекистон тупроғида тез бузиладиган маҳсулотларни текшириш учун сканер ўрнатилиши, Афғонистоннинг хусусий сектори учун виза беришни осонлаштириш, икки давлат божхона идораларида иш вақтини ошириш, халқаро юк ташиш соҳасида икки томонлама ва кўп томонлама ҳамкорликни ривожлантириш ва кенгайтириш томонлар ўртасида муҳокама қилинган.
Изоҳ (0)