Европа Лигаси. “Милан” сафарда Чехия клубини ишончли ҳисобда мағлуб этди

Футбол бўйича Европа Лигасининг 1/8 финал жавоб ўйинлари 14 март, пайшанба куни бўлиб ўтди.

“Милан” сафарда “Славия” меҳмони бўлди. Учрашувнинг 20-дақиқасида Чехия жамоаси футболчиси Голеш қизил карточка олиб, майдонни тарк этди. Қолган дақиқаларда “Прага” бир киши кам бўлиб ҳаракат қилди.

33-дақиқада Кристиан Пулишич ҳисобни очди. Орадан 3 дақиқа ўтиб, Рубен Лофтус-Чик ҳисобни ишончли кўринишга олиб келди. 

Биринчи бўлим сўнгида эса Рафаэл Леау миланликларнинг учинчи голига муаллифлик қилди. Иккинчи бўлимда ҳам “россонери” устунлик қилган бўлса-да, бўлим охирида “Славия” футболчиси Юрасек ҳисобни қисқартиришга муваффақ бўлди.

Жамоалар ўртасидаги дастлабки учрашувда “Милан” 4:2 ҳисобида зафар қучганди. Икки ўйин натижасига кўра, Италия клуби 7:3 ҳисобида ғалаба қозониб, кейинги босқичга йўл олди.

Европа Лигаси

1/8 финал

14 март, пайшанба

“Прага” – “Милан” 1:3

Голлар: 0:1 – 33 Пулишич, 0:2 – 36 Лофтус-Чик, 0:3 – 45 Рафаэл Леау, 1:3 – 84 Юрасек.

“Славия”: Станек, Влчек (Томич, 46), Огбу, Зима, Змрзли, Дорли, Доудера (Шранс, 82), Голеш, Провод (Юрасек, 82), Валлем (Зафеирис, 70), Хитил (Юречка, 59).

“Милан”: Менян (Спортелло, 21), Калабрия (Калулу, 46), Томори (Тиав, 46), Габбия, Эрнандес, Лофтус-Чик (Рейндерс, 76), Пулишич (Чуквуэзе, 63), Адли, Муса, Рафаэл Леау, Жиру.

Огоҳлантиришлар: Доудера (22), Томори (44), Габбия (56), Томич (86).

Четлатиш: Голеш (20).