Kecha, 22-fevral Yevropa Ligasining bir nechta uchrashuvlari bo‘lib o‘tdi.
O‘z uyida “Milan”ni qabul qilgan “Renn” jamoasi o‘z uyida g‘alaba qozondi. Avvaliga Benjamin mezbonlarni oldinga olib chiqqan bo‘lsa, Luka Jovich hisobni tenglashtirdi. Aynan Benjamen Borijo ikki bora penaltidan yana jamoasini oldinga olib chiqdi. Rafael Leaoning goli uchrashuv hisobini yakuniy ko‘rinishga olib keldi. O‘z uyida yirik hisobda g‘alaba qozongan “Milan” keyingi bosqichga chiqdi.
“Frayburg” o‘z uyida Husanov harakat qilayotgan “Lans” jamoasiga qarshi harakat qildi. “Lans” jamoasi birinchi bo‘limda David Kosta va Elya Vahining goli evaziga oldinga chiqib oldi. Ikkinchi bo‘limda mezbonlar katta kuch bilan oldinga o‘tishdi. Rolan Sallai hisobni qisqartirdi. Aynan shu futbolchi qo‘shib berilgan vaqtda hisobni 2:2 ko‘rinishiga keltirdi.
Ushbu to‘qnashuvning taqdiri ekstra taymlarda hal bo‘ldi. Gregorichning 99-daqiqada kiritgan goli “Frayburg”ni keyingi bosqichga olib chiqdi. To‘liq o‘ynagan Husanov va uning jamoasi shu yerda o‘z “yurish”larini to‘xtatdi.
“Roma” o‘z uyida “Feyenoord” jamoasini qabul qildi. Uchrashuvning dastlabki daqiqasidayoq Ximenez mehmonlarni oldinga olib chiqdi.
15-daqiqaga kelib “Roma” Pellegrinining goli evaziga hisobni tenglashtirdi. Bu jamoalarning birinchi uchrashuvi ham aynan shu hisob bilan tugagan edi. Keyingi bosqich masalasi penaltilar seriyasida hal bo‘ldi.
Lukakudan boshqa barcha o‘yinchilar penaltini aniq amalga oshirish evaziga “Roma” jamoasi keyingi bosqichga yo‘l oldi.
Qolgan uchrashuv natijalari quyidagicha ko‘rinish oldi:
“Tuluza” — “Benfika” - 0:0 (dastlabki o‘yin 1:2)
“Qorabog‘ — “Braga” 2: 3 (dastlabki o‘yin 2:4)
“Sparta Praga” — “Galatasaroy” 4:1 (dastlabki o‘yin 2:3)
“Marsel” — “Shaxtyor” 3:1 (dastlabki o‘yin 2:2)
“Sporting” — “Yang boyz” 1:1 (dastlabki o‘yin 3:1)
Izoh (0)