Xabaringiz bor, 2026-yilda Shimoliy Amerikada o‘tkazilishi rejalashtirilgan futbol bo‘yicha Jahon chempionati uchun Osiyo qit’asi saralash uchrashuvlari 2023-yilning oktyabr oyida boshlangan.
Saralashning dastlabki bosqichida O‘zbekiston terma jamoasi a’zolari 2 uchrashuvda maydonga tushdi. Turkmaniston terma jamoasi bilan bo‘lgan mehmondagi o‘yinda o‘zbekistonliklar 1:3 hisobida g‘alaba qozongan edi. Toshkentda bo‘lib o‘tgan Eron bilan uchrashuvda 2:2 hisobidagi durangni qayd etgan O‘zbekiston terma jamoasi 4 ochko to‘plab turnir jadvalida 2-o‘rinda bormoqda.
Mart oyida O‘zbekiston termasi Gongkong terma jamoasi bilan ikki uchrashuvda maydonga tushadi. Dastlabki uchrashuv 21-mart kuni Toshkent vaqti bilan soat 17:00 da “Mong Kok” stadionida start oladi.
Mazkur uchrashuvda koreyalik hakamlar brigadasi ishlaydi. Bosh hakam Kim Vo Sung, unga qanotlarda hamyurtlari Jang Jon Pil va Kang Dong Ho yordam beradi. 4-rasmiy hakam sifatida esa Kim Da Yong ishlaydi.
Izoh (0)