Qozog‘iston prezidenti Qosim-Jo‘mart To‘qayev topshirig‘iga muvofiq mamlakatda Navro‘z bayrami 10 kun davomida nishonlanadi. Bu haqda Madaniyat vazirligi madaniyat qo‘mitasi raisi o‘rinbosari Sabit Barliboyev xabar berdi.
“Uning maʼno va mazmunini yanada boyitib, har yili 14—23-mart kunlari o‘tkaziladigan “Navro‘znoma” o‘n kunligini eʼlon qilish taklif etildi. Navro‘z bayramining yagona logotipi ham tasdiqlanib, mamlakatimizning barcha hududlariga jo‘natildi. Tarixga nazar tashlasak, Yangi yil bayrami 8-9 kun davom etgan va “Navro‘znoma” deb nomlangan”, — dedi Sobit Barliboyev va o‘n kunlik haqida batafil ma’lumot berdi.
- 14-mart — “Qarshilash kuni”. Mamlakatning g‘arbiy viloyatlarida bu an’ana saqlanib qolgan. Bayramni barcha hududlarda nishonlash taklif etilmoqda.
- 15-mart — Mehribonlik kuni. Bu kun butun mamlakat bo'ylab xayriya, mehr-oqibat va yaxshi qo‘shnichilikka bag‘ishlanadi. Vazirlik bunday aksiya va tadbirlarning o‘tkazilishi jamiyatda xayriya madaniyati, mehr-oqibat va o‘zaro yordam qadriyatlarini shakllantirishga xizmat qiladi.
- 16-mart – Madaniyat va milliy an’analar kuni. Bu kun madaniyat, sanʼat va milliy qadriyatlarni targ‘ib qilishga bag‘ishlangan, respublika bo‘ylab turli tadbirlar o‘tkazish rejalashtirilgan.
- 17 mart - Shonyroq kuni. Shu kuni oilaviy qadriyatlarimizni targ‘ib qilishga bag‘ishlangan tadbirlar bo‘lib o‘tadi.
- 18 mart — Milliy liboslar kuni. Barcha hududlarda milliy liboslarni ommalashtirishga qaratilgan turli tadbirlar o‘tkaziladi.
- 19 mart — Yangilanish kuni. Bu kuni bahorgi daraxt ekish an’analarini davom ettirish taklif etildi.
- 20 mart — Milliy sport kuni. Barcha viloyatlarda milliy sport turlari bo‘yicha turli musobaqa va turnirlar o‘tkaziladi.
- 21-mart — Birdamlik kuni. Bu kunning g‘oyasi insonlarning bir-biriga bo‘lgan hurmatini oshirish, tinchlik va hamjihatlikni mustahkamlashga qaratilgan.
- 22 mart — Yangi yil. Shu kuni barcha hududlarda etnoovul tashkil etilib, milliy madaniy va sport tadbirlari, turli yarmarkalar o‘tkaziladi.
- 23 mart — Poklanish kuni. Yangi yilni yangi maqsad va yangi umid bilan kutib olish ramzi sifatida Navro‘znamning so‘nggi kuni Poklanish kuniga aylanadi. Shu kuni Qozog‘istonada umummilliy ekologik aksiya o‘tkaziladi.
Bundan tashqari, 14—23-mart kunlari “Navro‘z-bozorlik” mavsumi e’lon qilinadi. Shu kunlarda chakana savdo nuqtalarida ommaviy savdo-sotiq imkoniyatlarini ko‘rib chiqish rejalashtirilgan.
Izoh (0)