Xalqaro mustaqil IT ekspertlar alyansi boshqaruvi raisi Amir Yerjanov qozog‘istonlik IT kompaniyalar O‘zbekistonga faol ko‘chib o‘tayotganini, u yerda o‘z IT mahsulotlarini ishlab chiqarayotganini va ularni xorijda muvaffaqiyatli sotayotganini aytib o‘tdi.
Shuningdek, u bunday kompaniyalar uchun soliqlarni kamaytirishni taklif qildi. Bozorning boshqa ishtirokchilari bu taklifga rozi bo‘lib, O‘zbekistonda IT’ning tez o‘sishini qo‘llab-quvvatlamoqda.
Masalan, dasturiy ta’minotni tarqatuvchi kompaniya Gulnura Alimkulova ularning biznesi pandemiyadan keyin bozorning faol o‘sishi kuzatilayotgan O‘zbekistonda muvaffaqiyatli rivojlanayotganini ta’kidladi.
O‘zbekistonda ko‘proq IT kompaniyalarni jalb qilish va ularga davlat obyektlari va jihozlaridan bepul foydalanish, shuningdek, ish haqi va kadrlar tayyorlash xarajatlarini qisman qoplash kabi qo‘shimcha imtiyozlar berishga qaratilgan Zero Risk dasturi ishga tushiriladi.
Bundan tashqari, mahalliy IT kompaniyalarni xalqaro ko‘rgazmalarda ishtirok etish va xorijiy ekspertlarni jalb qilish uchun moliyaviy qo‘llab-quvvatlash orqali jahon bozoriga chiqishga yordam beradigan dasturni joriy etish rejalashtirilgan.
Manbaning ta’kidlashicha, O‘zbekistonda IT bo‘yicha o‘rtacha ish haqi 3,1 mln so‘mdan 7,6 mln so‘mgacha, Qozog‘istonda esa 5,4 mln so‘mdan 13,1 mln so‘mgacha miqdorni tashkil qiladi.
O‘zbekistonda yangi ish boshlovchilarga maksimal 4,4 million so‘m, Qozog‘istonda esa 8,6 million so‘mgacha maosh taklif etiladi.
Izoh (0)