9 март куни Қизил денгизда турган АҚШ етакчилигидаги коалиция кучлари Яман ҳусийлари томонидан учирилган кўп сонли ҳарбий дронларни уриб туширган. Бу ҳақда Al Jazeera нашри хабар берди.
Хабарда айтилишича, Америка Қўшма Штатлари денгиз флоти кемалари ва ҳарбий самолётлари Қизил денгиз ҳудудида ҳусийларга тегишли 15 та Shahed дронларини тутиб олган. Ҳарбий операция пайтида Ғарб техникасига ҳеч қандай шикаст етмаган.
“Бу ҳаракатлар денгиз йўллари эркинлигини ҳимоя қилиш ва халқаро сувларни хавфсизроқ зонага айлантириш учун амалга оширилди”, — дейилган АҚШ ҳарбий денгиз флоти баёнотида.
Олдинроқ ҳусийлар ҳарбий идораси матбуот котиби Яҳё Сари 9 март куни гуруҳ иккита ҳарбий операция ўтказганини маълум қилган эди. Улардан биринчиси Адан кўрфазида АҚШнинг Propel Fortune юк ташувчи кемасига қарши қаратилган. Иккинчи операцияда Қизил денгиз ва Адан кўрфазидаги бир нечта АҚШ ҳарбий кемалари 37 та ҳужумкор дронлар билан нишонга олингани даъво қилинган эди.
Изоҳ (0)