Amazonkada o‘rmonlar kesilishi 30 foizga kamaydi

Braziliyaning Amazon tropik hududida o‘rmonlar kesilishi fevral oyida o‘tgan yilga nisbatan 30 foizga qisqardi. Bu haqda Reuters xabar berdi.

INPE kosmik tadqiqotlar agentligining sun’iy yo‘ldosh orqali olingan dastlabki ma’lumotlariga ko‘ra, o‘tgan oy dunyodagi eng katta tropik o‘rmonning 226 kvadrat kilometr (87 kvadrat milya) maydonida daraxtlar kesilgan. Bu ko‘rsatkich o‘tgan yilning shu davrida kesilgan rekord 322 kvadrat kilometrdan sezilarli darajada kamaygan.

Bundan tashqari, o‘rmonlar kesilishining qisqarish surʼati atmosferaga 250 million tonna karbonat angidrid gazi chiqishining oldini olgan.

Braziliya prezidenti Lula da Silva 2030-yilgacha o‘rmonlar kesilishiga butunlay chek qo‘yishga va’da bergan.

Biz yanvar va fevral oylari uchun ma’lumotlarni, ayniqsa, diqqat bilan izohlashimiz kerak, ammo tendensiya hali ham 2023 yilda ko‘rganimizdek: Amazon o‘rmonlari kesilishining qisqarishi, Serrado o‘rmonlari kesilishining ko‘payishi, — dedi WWF Braziliya strategiyasi direktori Mariana Napolitano dunyodagi eng biologik xilma-xil savannalardan biriga xavf ortib borayotganini tilga olib.