Qozog‘iston Ilon Maskning SpaceX kompaniyasining Starlink sun’iy yo‘ldosh internetidan foydalanishni qonuniylashtiradi. Tegishli qonun parlamentda ikki o‘qishda qabul qilindi va Senatga yuborildi.
Hujjat aloqa bozorini rivojlantirish, raqamlashtirish va mamlakatda qulay investitsiya muhitini yaratish maqsadida ishlab chiqilgan.
Senatga yuborilgan hujjatda 2026-yilgacha geostatsionar bo‘lmagan sputniklar orqali aloqa texnologiyalarini joriy etish bo‘yicha maxsus reglament nazarda tutilgan. Deputatlar turli xorijiy kompaniyalarning bunday xizmatlaridan foydalanishning huquqiy modeli zarurligiga e’tibor qaratgan.
Respublika va viloyat ahamiyatiga molik avtomobil yo‘llarini internet tarmog‘i bilan taʼminlash maqsadida optik tolali aloqa liniyalarini qurish bo‘yicha qonunga o‘zgartirishlar kiritilishi kutilmoqda.
- Qozog‘istondagi qishloq maktablariga o‘rnatish uchun Starlink uskunasining birinchi partiyasi olib kelingan.
- 2023-yilning dekabr oyida Starlink’ning O‘zbekistonda ishga tushirilishi ikki yilga kechiktirilgani haqida xabar berilgandi.
Izoh (0)