Ilon Maskka qarashli SpaceX kompaniyasi AQSHning Kaliforniya shtatidan bo‘lgan 14 yoshli o‘smirni dasturiy ta'minot bo‘yicha muhandis sifatida ishga oldi. Bu haqda Los Angeles Times nashri xabar bermoqda.
14 yoshli Kayran Kuazi Santa Klara universitetining muhandislik maktabini tamomlab, sun'iy yo‘ldosh aloqasi va kosmik kemalar bilan shug'ullanuvchi SpaceX kompaniyasiga ishga kiradi. Kompaniyada u dasturiy ta'minot muhandisi lavozimini egallaydi.
Kuazi o‘zining erta rivojlangan intellektual qobiliyatlari bilan mashhur. U ikki yoshida to‘liq jumlalar bilan gapirishni boshlagan, to‘qqiz yoshida esa uchinchi sinfdan kollejga o‘tgan va u yerda o‘ziga mos darajada o‘qishni boshlagan.
Kelajakda Kuazi SpaceX’da Starlink sun’iy yo‘ldosh internetini ishlab chiquvchi jamoa bilan hamkorlik qilish niyatida. o‘qishdan tashqari, Kuazi videoo‘yinlarni o‘ynashni va ilmiy fantastik kitoblarni o‘qishni yaxshi ko‘radi.
Izoh (0)