Uels shahzodasi Uilyam va malika Keytning qizi Sharlotta (Yelizaveta Diana) dunyodagi eng boy bola deb topildi. Uning boyligi 3,9 milliard funt sterling (5 milliard dollardan ortiq) ga teng deya baholangan. Bu haqda ‘‘Korrespondent.net’’ Outdoor Toys platformasiga asoslanib xabar bermoqda.
Buyuk Britaniya bo‘lajak qirolining qizi hatto o‘z akasidan ham badavlatroq. Shahzoda Jorjning boyligi 2,8 milliard funt sterling (3,5 milliard dollar) ga teng.
Shahzoda Uilyam va Keyt Middltonning kenja o‘g‘li — besh yoshli shahzoda Lui ushbu reytingda 98 million funt sterling boyligi bilan to‘qqizinchi o‘rinni egalladi.
Dunyoning eng boy bolalari ro‘yxatida uchinchi o‘rinni pop qo‘shiqchi Rianna va reper A$AP Rocky (Rakim Atelaston Mayers) ning bir yoshli o‘g‘li egalladi. RZA ismli bolakayning boyligi 1,2 milliard dollarga baholanmoqda.
Ro‘yxatda keyingi o‘rinni 720 million dollar bilan Beyonsening qizi Blyu Ayvi Karter joy oldi.
To‘rtinchi o‘rinni Kayli Jenner va Trevis Skottning qizi Stormi Vebster (570 million dollar), beshinchi o‘rinni Kim Kardashyan va Kanye Uestning o‘g‘li Nort Uest (375 million dollar) egalladi.
Izoh (0)