Emma Stoun “Bechoralar — baxtsizlar” filmi syomka jarayonida 60 dona pishiriqni yeyishga majbur bo‘lgani haqida so‘zlab berdi

Amerikalik aktrisa Emma Stoun “Bechoralar— baxtsizlar” filmidagi bir sahnada 60 dona pashtel-de-nata shirinligini yeyishga majbur bo‘lgani haqida yozadi The Guardian.

AQSH prodyuserlar gildiyasi taqdirlash marosimida jurnalistlarga bergan intervyusida Emma Stoun bunday katta kaloriyali shirinlikdan so‘ng o‘zini yomon his qilganini so‘zlab berdi:

“Shirinlikni birinchi donasi mazali edi, ammo oxiriga kelib odamning ko‘ngli behuzur bo‘ladi”.

1 dona pashtel-de-nata shirinligi o‘rtacha 157 kaloriyali, uning 60 donasi esa 9,5 ming kaloriyaga boradi.

Yorgos Lantimosning “Bechoralar— baxtsizlar” filmidagi roli uchun Emma Stoun “Oskar” mukofotining “Eng yaxshi aktrisa” nominatsiyasi g‘olibi deb topilgan. Ushbu film, shuningdek, eng yaxshi pardoz va soch turmagi, eng yaxshi kostyum dizayni, eng yaxshi vizual effektlar va eng yaxshi rassom ishi uchun nominatsiyalarda g‘olib bo‘lgan.

Aktrisa bundan avval “La-La Lend” musiqiy filmi uchun xuddi shu nominatsiyada “Oskar”ni qo‘lga kiritgan edi.