Jair Bolsonaro San-Pauludagi mitingga o‘n minglab tarafdorlarini to‘plab, hozirgi Braziliya hukumati uni siyosiy ta’qib qilayotganini aytdi. Bu haqda Deustche Welle xabar berdi.
U 2022-yilgi prezidentlik saylovlaridan so‘ng davlat to‘ntarishini amalga oshirishga urinishda o‘zini aybdor deb hisoblamaydi.
“To‘ntarish nima? Ko‘chalarda tanklar, qurol-yarog‘lar, fitna. Bularning hech biri Braziliyada sodir bo‘lmagan”, — dedi siyosatchi 25-fevralda San-Pauluda o‘n minglab tarafdorlari bilan suhbatda.
Shu bilan birga, Bolsonaro amaldagi davlat rahbari Luiz Inasiu Lula da Silva hukumatini siyosiy ta’qiblarda ayblagan. Sobiq prezident so‘nggi bir necha kun ichida ijtimoiy tarmoqlarda o‘z tarafdorlarini demokratik qonun ustuvorligini himoya qilishga chaqirgan. AFPga ko‘ra, ayrim namoyishchilar San-Pauluga kelish uchun 700 kilometr yo‘l bosgan.
2023-yil oktyabr oyida Braziliya Milliy Kongressiga parlament komissiyasi Jair Bolsonaroga davlat to‘ntarishiga urinish, siyosiy zo‘ravonlik va jinoiy fitna ayblovlarini ilgari surgan. Sobiq davlat rahbari ustidan tergov besh oy davom etib, yakuniy hisobot 1300 sahifani tashkil etgan edi. Bolsonarodan tashqari yana 60 kishi, jumladan sobiq vazirlar va harbiylar tartibsizliklarga aloqadorlikda ayblangan.
Izoh (0)