Afg‘onistonda 2,3 million homilador ayol to‘yib ovqatlanmaydi. Bu haqda BMTning Jahon oziq-ovqat dasturiga tayanib, Aamaj News xabar berdi.
“Afg‘oniston aholisining ko‘pchiligi nafaqat kuchli ovqat, balki iste’mol uchun yetarli ovqatga ham ega emas” deyiladi tashkilot xabarida.
Birgina Bomiyon viloyatining Panjob tumanida homilador va emizikli ayollarning 40 foizi va besh yoshgacha bo‘lgan bolalarning 45 foizi to‘yib ovqatlanmaydi. Boshqa tomondan, Afg‘oniston aholisining uchdan bir qismidan ko‘prog‘i oziq-ovqat taqchilligidan aziyat chekmoqda. “Tolibon” hukumatga kelgach, Afg‘onistonga moliyaviy yordam kamaydi, bu esa qashshoqlik va ochlikning kuchayishiga olib keldi.
Jumladan, 2023-yilda Jahon oziq-ovqat tashkiloti mablag‘ yetishmasligi tufayli Afg‘onistonga yordamni qisqartirdi. Oqibatda har besh nafar ehtiyojmand afg‘ondan faqat bittasigagina yordam ko‘rsatildi. O‘shanda Afg‘onistondagi gumanitar falokatning oldini olish uchun 1 milliard dollar mablag‘ kerakligi aytilgan.
Izoh (0)