Афғонистонда 2,3 миллион ҳомиладор аёл тўйиб овқатланмайди. Бу ҳақда БМТнинг Жаҳон озиқ-овқат дастурига таяниб, Аамаж Неwс хабар берди.
“Афғонистон аҳолисининг кўпчилиги нафақат кучли овқат, балки истеъмол учун етарли овқатга ҳам эга эмас” дейилади ташкилот хабарида.
Биргина Бомиён вилоятининг Панжоб туманида ҳомиладор ва эмизикли аёлларнинг 40 фоизи ва беш ёшгача бўлган болаларнинг 45 фоизи тўйиб овқатланмайди. Бошқа томондан, Афғонистон аҳолисининг учдан бир қисмидан кўпроғи озиқ-овқат тақчиллигидан азият чекмоқда. “Толибон” ҳукуматга келгач, Афғонистонга молиявий ёрдам камайди, бу эса қашшоқлик ва очликнинг кучайишига олиб келди.
Жумладан, 2023 йилда Жаҳон озиқ-овқат ташкилоти маблағ етишмаслиги туфайли Афғонистонга ёрдамни қисқартирди. Оқибатда ҳар беш нафар эҳтиёжманд афғондан фақат биттасигагина ёрдам кўрсатилди. Ўшанда Афғонистондаги гуманитар фалокатнинг олдини олиш учун 1 миллиард доллар маблағ кераклиги айтилган.
Изоҳ (0)