Butun sitrus mevalar to‘g‘ri saqlash qoidalariga rioya etilganda 1 oygacha yaxshi saqlanadi. Kesilgach esa meva qurishni va ta’mini yo‘qotishni boshlaydi. Quyidagi kichik layfxak sitrus meva bo‘laklarini uzoq vaqt yangidek holatda saqlashga yordam beradi.
Kesilgan sitrus meva bo‘laklari qoraymasligi va suvi qochmasligi uchun uni sellofan paketga solish va havo kirmaydigan darajada og‘zini mahkamlash kerak. So‘ng qadoqlangan mevalarni muzlatgichning meva va sabzavotlar saqlanadigan bo‘lmasiga solish lozim.
Muzlatgichning meva va sabzavotlar saqlanadigan maxsus qismi ichki haroratni mo‘tadil ushlab turish (0°C dan -4°C gacha) va namlikni nazorat qilish funksiyasiga ega.
Izoh (0)