Malina, nok va vazn yo‘qotish uchun ratsionga kiritish kerak bo‘lgan boshqa mevalar

Meva shakarning o‘rnini bosishi haqida ko‘p eshitgan bo‘lishingiz mumkin, shu sababli ularni iste’mol qilmagan ma’qul. Biroq bu fikrning xato ekanligini bilasizmi? Gastroenterolog va yozuvchi Uill Bulsevich ham bu fikrga qo‘shilmaydi. Ijtimoiy tarmoqlarda vazn yo‘qotayotgan insonlar mevalarni iste’mol qilmagani ma’qul, degan keng tarqalgan fikr bor. Bu bema’nilik: meva iste’molini ko‘paytiradigan insonlar vazn orttirmaydi, aksincha ozadi.

Shifokor Bulsevich tushuntirganidek, meva tarkibidagi shakar qayta ishlangan oziq-ovqatlardagi shakar bilan bir xil emas. “Mevalarni ko‘proq iste’mol qiling”, — deb maslahat beradi Uill.

Malina

Bir stakan malina sakkiz gramm kletchatkani o‘z ichiga oladi — bu kunlik tavsiya etilgan miqdorning uchdan bir qismi. Tadqiqotlar shuni ko‘rsatadiki, kletchatka iste’mol qilish vazn yo‘qotishga yordam beradi, chunki u oshqozon-ichak traktining sog‘lom bo‘lishiga yordam beradi.

Nok

Bir dona nok olti gramm kletchatkani o‘z ichiga oladi. Shuningdek, nok yallig‘lanishni keltirib chiqaradigan erkin radikallarga qarshi kurashuvchi C vitaminiga boy va tanadagi bu jarayonni to‘xtatmasdan, vazn yo‘qotish juda qiyin.

Chernika

Bir chashka chernikada to‘rt gramm kletchatka, shuningdek, bizni qarish, ultrabinafsha nurlari, atrof-muhit toksinlari va stressdan himoya qiluvchi antioksidantlar mavjud. Aytgancha, chernikada C vitamini miqdori faqat muzlagandan keyin ortadi.

Apelsin

Bir dona apelsin to‘rt gramm kletchatkani o‘z ichiga oladi, bu bizdagi kunlik C vitaminining deyarli barcha miqdorini va kaliyning kunlik qiymatining 10 foizini tashkil qiladi. Shuningdek, bu mevalar qorin yog‘ini kamaytirishga yordam beradigan karotenoidlarga, antioksidantlarga boy.

Olma

Olma mo‘jiza yaratishi mumkin — ular xolesterinni kamaytirishga va yurak sog‘lig‘ini yaxshilashga yordam beradi, saraton, 2-toifadagi qandli diabet va Alsgeymer kasalligi xavfini kamaytiradi. Tadqiqot shuni ko‘rsatdiki, olma ortiqcha vazn bilan kurashishda yordam beradi.

Qulupnay

Uch gramm kletchatka va C vitaminining kunlik qiymati — bu bir stakan qulupnay. Shuningdek, qulupnay polifenollarning uchinchi yirik manbai — og‘izdagi bakteriyalar bilan kurashadigan va tishlarning parchalanishining oldini oladigan antioksidantlarga boy.

Banan

Bananda nafaqat 3 foiz kletchatka, balki chidamli kraxmal, ichak sog‘lig‘ini yaxshilaydigan va yog‘ erishini tezlashtiradigan uglevod ham mavjud.