Афғонистоннинг Ғазни вилояти марказида қотилликда айбланган икки киши суд қарори ва “Толибон” етакчисининг буйруғи билан қатл этилди. Бу ҳақда Sputnik Афғонистон хабар берди.
Али Лала қишлоғидаги футбол майдонида ўтказилган қатл маросимида Ғазни вилоятининг кўплаб аҳолиси иштирок этди. Бир кун аввал “Толибон” аъзолари икки кишининг қатл этилишини томоша қилиш учун аҳолини футбол майдонига йиғилишга чақирган. Марҳумлар беш ва етти йил аввал одам ўлдирганликда айбланган.
“Толибон” етакчиси Ҳайбатуллоҳ Охундзода суд қарорини кўриб чиқиб, қатл этиш ҳукмини тасдиқлаган.
Бирлашган Миллатлар Ташкилоти аввалроқ Афғонистонда “Толибон” ҳокимиятга келганидан бери 200 дан ортиқ собиқ амалдор судсиз қатл этилганини маълум қилганди. Ташкилот “Толибон”нинг сиёсий мухолифларига қарши инсон ҳуқуқлари бузилиши бўйича 800 дан ортиқ ҳолатларни ҳужжатлаштирган.
Изоҳ (0)