Statistika agentligi tomonidan taqdim etilgan hisobotga ko‘ra, O‘zbekistonda jinoyatlar soni yildan yilga kamaymoqda.
Ichki ishlar vazirligi maʼlumotlariga asosan, 2023-yilning yanvar-dekabr oylarida respublika bo‘yicha ro‘yxatga olingan jinoyatlarning umumiy soni 104 096 tani tashkil etib, o‘tgan yilning mos davriga nisbatan 1,1 foizga kamaydi. Ushbu davrdagi jinoyatlar soni 10 ming kishiga nisbatan 28,3 taga yetdi.
Jinoyatlar o‘z xususiyati va ijtimoiy xavflilik darajasiga ko‘ra: ijtimoiy xavfi katta bo‘lmagan, uncha og‘ir bo‘lmagan; og‘ir va o‘ta og‘ir jinoyatlarga bo‘linadi. 2023-yilning yanvar-dekabr oylarida hududlar bo‘yicha eng ko‘p jinoyatlar Toshkent shahrida (21 728 ta), Farg‘ona (13 025 ta), Toshkent (12 430 ta) va Andijon (7 487 ta) viloyatlarida, eng kami esa – Jizzax (3 192 ta), Sirdaryo (3 387 ta) va Xorazm (3 023 ta) viloyatlarida qayd etilgan.
O‘tgan yilning mos davriga nisbatan jinoyatlar soni Toshkent shahrida (1 063 ta) va Farg‘ona (2 157 ta) viloyatida kamaygan bo‘lsa, mazkur jinoyatlar Namangan (530 ta) va Samarqand (116 ta) viloyatlarida ko‘paygan. Oxirgi besh yil davomida (2019-2023-yillar yanvar-dekabr oylari) qayd etilgan jinoyatlar soni 2,3 barobarga oshgani kuzatildi.
Demak, agar 2019-yilning yanvar-dekabr oylarida jinoyatlar 46 089 tani tashkil etgan bo‘lsa, 2023-yilning shu davrida bu ko‘rsatkich 104 096 taga yetdi. Shu bilan birga, 2021-yilning yanvar-dekabr oylarida (111 082 ta) o‘sish kuzatildi va 2020-yilning shu davriga nisbatan 1,8 barobarga oshdi. 2022-yilga nisbatan o‘zgarishlar tahlili shuni ko‘rsatdiki, 2023-yilning yanvar-dekabr oylarida 1 119 ta jinoyatni tashkil etdi.
Izoh (0)