Статистика агентлиги томонидан тақдим этилган ҳисоботга кўра, Ўзбекистонда жиноятлар сони йилдан йилга камаймоқда.
Ички ишлар вазирлиги маълумотларига асосан, 2023 йилнинг январь-декабрь ойларида республика бўйича рўйхатга олинган жиноятларнинг умумий сони 104 096 тани ташкил этиб, ўтган йилнинг мос даврига нисбатан 1,1 фоизга камайди. Ушбу даврдаги жиноятлар сони 10 минг кишига нисбатан 28,3 тага етди.
Жиноятлар ўз хусусияти ва ижтимоий хавфлилик даражасига кўра: ижтимоий хавфи катта бўлмаган, унча оғир бўлмаган; оғир ва ўта оғир жиноятларга бўлинади. 2023 йилнинг январь-декабрь ойларида ҳудудлар бўйича энг кўп жиноятлар Тошкент шаҳрида (21 728 та), Фарғона (13 025 та), Тошкент (12 430 та) ва Андижон (7 487 та) вилоятларида, энг ками эса – Жиззах (3 192 та), Сирдарё (3 387 та) ва Хоразм (3 023 та) вилоятларида қайд этилган.
Ўтган йилнинг мос даврига нисбатан жиноятлар сони Тошкент шаҳрида (1 063 та) ва Фарғона (2 157 та) вилоятида камайган бўлса, мазкур жиноятлар Наманган (530 та) ва Самарқанд (116 та) вилоятларида кўпайган. Охирги беш йил давомида (2019-2023 йиллар январь-декабрь ойлари) қайд этилган жиноятлар сони 2,3 баробарга ошгани кузатилди.
Демак, агар 2019 йилнинг январь-декабрь ойларида жиноятлар 46 089 тани ташкил этган бўлса, 2023 йилнинг шу даврида бу кўрсаткич 104 096 тага етди. Шу билан бирга, 2021 йилнинг январь-декабрь ойларида (111 082 та) ўсиш кузатилди ва 2020 йилнинг шу даврига нисбатан 1,8 баробарга ошди. 2022 йилга нисбатан ўзгаришлар таҳлили шуни кўрсатдики, 2023 йилнинг январь-декабрь ойларида 1 119 та жиноятни ташкил этди.
Изоҳ (0)